શૈલીબેન એસ.ગોડાદરિયા દ્વારા-તાપીમિત્ર ન્યુઝ,વાલોડ:વાલોડના ધામોદલા ગામ માંથી પસાર થતો બેડકુવા થી ધામોદલા ગામ તરફ જતા માર્ગ પર લગ્ન પ્રસંગે હાજરી આપવા જઈ રહેલા બારડોલી-હરીપુરાના દંપતીને અકસ્માત નડ્યો હતો.બનાવ અંગે પોલીસ મથકે ભીખુભાઈ અમરભાઈ ચૌધરી નાઓએ ફરિયાદ કરી હતી. મળતી માહિતી મુજબ તા.૭મે નારોજ સવારે ૧૦:૩૦ કલાકે,વાલોડ તાલુકાના ધામોદલા ગામ માંથી પસાર થતો બેડકુવા થી ધામોદલા ગામ તરફ જતા માર્ગ પર,ચૌધરી સમાજના સમૂહ લગ્ન પ્રસંગે મારુતિ વાન નંબર-GJ.19.AM.0140 લઈને જઈ રહેલા બારડોલીના હરીપુરાગામના તાપી ફળિયામાં રહેતા ભીખુભાઈ અમરભાઈ ચૌધરી અને તેમના પત્ની રંજનાબેન ભીખુભાઈ ચૌધરીને અકસ્માત નડ્યો હતો.એક ટ્રેક્ટર નંબર GJ.19.AM.૦433 ના ચાલકે પોતાના તાબાનું ટ્રેક્ટર પુરપાટ ઝડપે અને ગફલતભરી રીતે હંકારી લાવી મારુતિવેન ટક્કર મારી હતી જેમાં રંજનબેન નાઓને બંને પગમાં ઘુઠણથી નીચેના ભાગે ફેકચર તથા શરીરે ઓછીવત્તી ઈજાઓ પહોંચી હતી જેમને સારવાર અર્થે હોસ્પિટલમાં ખસેડવામાં આવ્યો હતો.ઘટના સ્થળ પર ટ્રેક્ટર ચાલક પોતાનું ટ્રેક્ટર છોડી નાશી ગયો હતો.બનાવ અંગે ફરિયાદ વાલોડ પોલીસ મથકે ભીખુભાઈ ચૌધરી નાઓએ કરી હતી જેના આધારે ટ્રેક્ટર ચાલક વિરુધ્ધ ગુન્હો દાખલ કરી આગળની વધુ તપાસ HC ધર્મેશભાઈ રમેશચંદ્ર કરી રહ્યા છે.