તાપીમિત્ર ન્યુઝ,સોનગઢ:સોનગઢના ચોરવાડ ગામની સમી માંથી પસાર થતી રેલ્વે લાઈનના ટ્રેક ઉપરથી ૩૦ વર્ષીય યુવકનો મૃતદેહ મળી આવતા સમગ્ર પંથકમાં ચકચાર મચી જવા પામી છે.ઘટના અંગે પોલીસને જાણ થતા સ્થળ પર પહોંચી તપાસ હાથ ધરી હતી. મળતી માહિતી મુજબ તા.૫મે નારોજ,સોનગઢ તાલુકાના ચોરવાડ ગામની સીમ માંથી પસાર થતી સુરત-ભુસાવલ રેલ્વે લાઈનના ટ્રેક ઉપર ચોરવાડ ગામના ફાટક નજીક અગમ્ય કારણોસર એક ૩૦ વર્ષીય યુવક સુઈ જતા ગળુ કપાઈ જતા યુવકનું ઘટના સ્થળે જ કમકમાટી ભર્યું મોત નીપજ્યું હતું.બનાવ અંગે સોનગઢ પોલીસને જાણ થતા ઘટના સ્થળ પર પહોંચી તપાસ હાથ ધરી હતી.જેમાં નિલેશભાઇ જાતરિયાભાઈ ગામીત રહે,ભાઢી ફળિયું,ચોરવાડ-સોનગઢ નાઓ છેલ્લા ત્રણેક વર્ષથી અસ્થિર મગજના થઇ ગયા હોય,પોતે અગમ્ય કારણોસર રેલ્વે ટ્રેકના પાટા પર સુઈ જતા ટ્રેક ઉપરથી પસાર થતી કોઈક ટ્રેનથી ગળુ કપાઈ જતા ઘટના સ્થળ પર મોત નીપજ્યું હોવાનું તપાસ દરમિયાન જાણવા મળ્યું હતું.બનાવ અંગે દિનેશભાઈ જાતરીયાભાઈ ગામીતે આપેલી ફરિયાદને આધારે સોનગઢ પોલીસે અકસ્માત મોત અંગે ઘટતી કાર્યવાહી હાથ ધરી છે.