તાપીમિત્ર ન્યુઝ,વ્યારા:વ્યારાના કણજા ફાટક વિસ્તાર પાસે એક અલ્ટો કારના ચાલકે ત્રણ મોટર સાયકલને અડફેટમા લીધી હતી.અકસ્માત સમયે લોકોમાં ભાગ દોડ મચી જવા પામી હતી.જોકે આ બનવામાં કોઈને ગંભીર ઈજા પહોંચી હોવાની વિગતો અત્યાર સુધી જાણવા મળી નથી.અકસ્માત સ્થળે લોકોની ભીડ જામી ગઈ હતી મળતી માહિતી અનુસાર વ્યારાના કણજા વિસ્તારમાં આવેલ દાદાજી ચોક પાસે ૪/૫/૨૦૧૮ નારોજ હીટ એન્ડ રન જેવો સીન લોકોને જોવા મળ્યો હતો,પુરપાટ ઝડપે દોડતી એક સફેદ કલરની અલ્ટો કાર નંબર GJ-26-A-4458 ના ચાલકે સ્ટેયરીંગ ઉપરથી કાબુ ગુમાવતા ત્રણ જેટલી મોટર સાયકલને અડફેટમાં લીધી હતી.જેમાં હીરો કમ્પનીનું મેપેડ નંબર GJ-26-M-9190,હીરો સ્પેલેન્ડર નંબર GJ-26-M-11૦9 તેમજ લુના નંબર GJ-19-E-8311 ને અડફેટમાં લેતા અકસ્માત સ્થળે ઉભેલા લોકોમાં ભાગ દોડ મચી જવા પામી હતી.અકસ્માતમાં ત્રણેય મોટર સાયકલને ભારે નુકશાન પહોંચ્યું હતું.સ્થાનિક સુત્રોના જણાવ્યા અનુસાર સમગ્ર મામલો પોલીસ મથક સુધી પહોંચે તે પહેલા અલ્ટો કારના ચાલકે ત્રણેય મોટર સાયકલને થયેલ નુકશાનની ભરપાઈ કરી આપવા જણાવતા સમગ્ર મામલે સમાધાન થયું હોવાનું જાણવા મળ્યું છે.આ બનાવમાં સદનસીબે કોઈ જાન હાની થઇ ન હતી.