તાપીમિત્ર ન્યુઝ,ડોલવણ:દારૂના ગુન્હામાં નાસતો ફરતો વોન્ટેડ આરોપીને ડોલવણમાં આવેલ બેંક એટીએમ પાસેથી ઝડપી પાડવામાં પોલીસને સફળતા છે.ડોલવણ પોલીસ સ્ટેશન વિસ્તારમાં રહેતા,નાસતા ફરતા આરોપીઓને પકડી પાડવા માટે પોલીસ જવાનોને મળેલી સૂચના ને આધારે તા.૨મે નારોજ,અ.હેડ.કોન્સ્ટેબલ ધર્મેશભાઈ મગનભાઈ,અ.હેડ.કોન્સ્ટેબલ રાજેન્દ્રભાઈ ગુલશનભાઈ તથા અ.પો.કો.વિપુલ રમણભાઈ ડોલવણ બીટ વિસ્તારમાં પેટ્રોલિંગમાં હતા,દરમિયાન વાલોડ પોલીસ મથકના ગુ.ર.નંબર ૧૩/૨૦૧૭ પ્રોહી એક્ટ કલમ ૬૫ઈ,૧૧૬(૨) ૮૧,૮૩,૯૮(૨) મુજબના ગુન્હામાં સંડોવાયેલ નાસતો ફરતો વોન્ટેડ આરોપી જીતુભાઈ જાતરીયાભાઈ ગામીત (ઉ.વ.૩૫) રહે,જામલીયા,ગામીત ફળિયું-ડોલવણ,એસબીઆઈ ના એટીએમ પાસે આવનાર હોવાની બાતમીને આધારે વોચમાં હતા તે સમય દરમિયાન વોન્ટેડ આરોપી એટીએમ પાસે આવતા તેને ઝડપી પાડવામાં આવ્યો હતો.