ભરત શાહ દ્વારા તાપીમિત્ર ન્યુઝ-રાજપીપળા:રાજપીપળા આશાપુરી મંદિર પાસે બાળકો વચ્ચેની મામૂલી બોલાચાલી બાદ મહિલા પર ચપ્પુ વડે હુમલો કરી ઇજા પહોંચાડી જાન થી મારી નાખવાની ધમકી આપનાર બે ભાઈઓ વિરુદ્ધ મહિલાએ ફરિયાદ આપી હતી.પ્રાપ્ત માહિતી અનુસાર રાજપીપળા આશાપુરી મંદિર પાસે રહેતા દિવ્યાબેન દિવ્યેશભાઈ પંચોલી ની ફરિયાદ મુજબ ગણપતિ વિસર્જનના વરઘોડામા જવા એ તૈયાર થતા હતી તે વખતે તેમનો દીકરો કુંજ (ઉ.વ.૬) તથા પડોશમાં રહેતા તુષારભાઇનો શાંતિલાલ પંચોલીનો દીકરો યશ (ઉ.વ.૧૨)વચ્ચે શિવાજીનો ધ્વજ લઇ રમવા બાબતે બોલાચાલી થઈ હતી તેનુ ઉપરાણું લઇ તુષાર અને તેનો ભાઈ પ્રદીપ તેમના ઘરમા જઇ ગમેતેમ ગાળો બોલી યસ પાસેથી ધ્વજ કેમ લઇ લીધો તેમ કહી તુષારે ચપ્પુ કાઢી દિવ્યાબેનના ગાલ ઉપર તથા કાન ઉપર મારી ઇજા પહોચાડી તેમજ હાથની આંગળી પકડી મચકોડી નાખ્યા બાદ જાનથી મારી નાંખવાની ધમકી આપી ગુનો કરવામા એકબીજાને મદદગારી કરી ગુનો કરતા રાજપીપળા પોલીસે ગુનો નોંધી તપાસ હાથ ધરી છે.