તાપીમિત્ર ન્યુઝ,નવસારી જીલ્લાના વિજલપોર પાસે રહેતી ૧૭ વર્ષીય યુવતી શ્રાવણ માસ દરમિયાન મંદિરમા નિયમિત પૂજા કરવા જતી હોય ત્યાં મંદિરનો પૂજારી યુવતી પાસે અવારનવાર મોબાઈલ નંબર માંગતા હતા પરંતું યુવતીએ આપેલ નહીં,ત્યારબાદ પૂજારીએ આ યુવતી ક્યાં થી આવે છે તેનો પીછો કરી,કોઈ વ્યક્તિ પાસે થી તેનો મોબાઈલ નંબર મેળવી લીધો હતો અને મેસેજ કરી રોજ હેરાન કરતા હતા જેથી યુવતીએ રૂબરૂ મળી તેને જણાવેલ કે,મારા ફેમિલિ આ મેસેજ જોશે તો મને મુશ્કેલી થશે પરંતું પૂજારીએ રોજ તેને મેસેજ કરી સબંધ રાખવા દબાણ મૂકતા અને અઘટિત માંગણી કરતો હોય જેથી યુવતી મુંઝવણમાં મુકાઇ હતી.ફેમિલી મા પણ કોઈ ને આ બાબત જણાવી શકતી ના હતા જેથી તેઓ એ હિમ્મત કરી 181-અભયમ મહિલા હેલ્પલાઇન નો સંપર્ક કરી પોતાની આપવીતી જણાવી હતી,અભયમ ટીમે છટકું ગોઠવી પૂજારી ને પકડ્યો હતો અને યુવતીને કેમ હેરાન કરે છે ?? તેવું પૂછતાં તેણે જણાવેલ કે,મે કોઈ હેરાનગતિ કરેલ નથી કે કોઈ મેસેજ કરેલ નથી જેથી યુવતી ને બોલાવી તેણે કરેલ મેસેજ બતાવતા તેણે પોતાની ભુલ કબૂલી હતી.અભયમ ટીમ ઘ્વારા તેને પાઠ ભણાવ્યો હતો કે,તારી આ હરકત તે ગુનો બને છે અને તારી સામે પોલીસ ફરિયાદ પણ થઈ શકે છે જેથી પૂજારીએ માફી માંગી હતી અને હવે પાછી કોઈપણ પ્રકાર ની હેરાનગતિ નહી કરું જેની લેખિત ખાત્રી આપી હતી.યુવતીની પણ આગળ ફરિયાદ કરવાની ઈચ્છા ના હોવાથી સમાધાન કરવામાં આવ્યું હતું.મોબાઈલ મોનિયાક થી છુટકારો મળતા અભયમ ટીમ નો ખુબ આભર માન્યો હતો.