વ્યારા:વ્યારાના વાંદરદેવી બસ સ્ટેન્ડ ફળિયામાં રહેતા ૨૩ વર્ષીય યુવકે સને ૨૦૧૭ના વર્ષમાં એક સગીર વયની યુવતીને લગ્ન કરવાની લાલચ આપી પ્રેમસબંધ બાંધી યુવતીને અલગઅલગ જગ્યાએ લઈ જઈ યુવતીની મરજી વિરૂધ્ધ અવાર-નવાર શરીર સબંધ બાંધી બળાત્કાર ગુજાર્યો હોવાની ફરિયાદ વ્યારા પોલીસ મથકે નોંધાઈ છે. મળતી માહિતી અનુસાર વ્યારાના વાંદરદેવી બસ સ્ટેન્ડ ફળિયામાં રહેતો ૨૩ વર્ષીય યુવક આશિષભાઈ ગોવિંદભાઈ ગામિતે સને ૨૦૧૭ના વર્ષમાં એક સગીર વયની યુવતીને લગ્ન કરવાની લાલચ આપી પ્રેમસબંધ બાંધી યુવતીને,વઘઇ તાલુકામાં આવેલ માયાદેવી પાસે નદી કિનારે તથા પોતાના ઘરે તેમજ વ્યારાના લખાલી ગામે આવેલ સરકારી દવાખાના ન ઓટલા ઉપર,અલગઅલગ જગ્યાએ લઈ જઈ યુવતીની મરજી વિરૂધ્ધ અવાર-નવાર શરીર સબંધ બાંધી બળાત્કાર ગુજારતા યુવતીને ગર્ભ રહી જતાં,ગર્ભ પાડી દેવાના ઇરાદે યુવતીની મરજી વિરૂધ્ધ દવાની ગોળી પીવડાવી ગર્ભ પાડી નાખી યુવતીને જાનથી મારી નાંખવાની ધમકી આપતા યુવતીએ તા.૨૭મી એપ્રિલ નરોજ વ્યારા પોલીસ મથકે ફરિયાદ કરી હતી.જેના આધારે પોલીસે ગુન્હો નોંધી આશિષભાઈ ગોવિંદભાઈ ગામિત વિરૂધ્ધ ઇપીકો,કલમ ૩૭૬(૧),૩૧૫,૫૦૬(૨) તથા પોકસો એક્ટ કલમ-૫(એલ),૬ મુજબ ગુન્હો દાખલ કરી આગળની વધુ તપાસ પીઆઇ-વ્યારા પોલીસ સ્ટેશનના આર.એસ.પટેલ કરી રહ્યા છે.