ભરત શાહ દ્વારા તાપીમિત્ર ન્યુઝ,રાજપીપળા:રાજપીપળા શહેરમાં ઘણા દિવસ થી ભારે વરસાદ હોવા છતાં કોઈ મોટા રોગચાળા એ હજુ સુધી માથું ઉચક્યું નથી કારણ કે,નગરપાલિકા દ્વારા ખાસ સફાઈ કામગીરી થતા શહેરીજનો ને રાહત છે.છેલ્લા વીસેક દિવસથી રાજપીપળા શહેરમાં ભારે વરસાદ ખાબકતા ચારે તરફ પાણી ફરી વળ્યાં હતા સાથે ખુલ્લી ગટરો ઉભરાતા પાણી ઓસરી ગયા બાદ ઠેર ઠેર ગંદકી હોય વરસાદ બંધ રહેતાજ પાલિકા ના ચીફ ઓફિસર અમિત પંડ્યાના માર્ગદર્શન મુજબ એસઆઈ હેમેન્દ્ર માત્રોજાએ પોતાની સફાઈ ટિમો કામે લગાડી હતી જેમાં શહેરના વાઘરીવાડ,અને એસટી ડેપો પાછળના સૌથી વધુ ગંદકી વાળા વિસ્તારોમાં જેસીબી દ્વારા ખાસ સફાઈ અભિયાન હાથ ધરવામાં આવ્યું હતું.