ભરત શાહ દ્વારા તાપીમિત્ર ન્યુઝ,રાજપીપળા:રાજપીળા કાળાધોડા પાસે રહેતા પરિવાર ના ઘરમાં હાલ ચાલી રહેલા દશા માતાના વ્રતમાં ઘરમાં જ માતાજીની સ્થાપના કરી હોય ઘરમાં પતિ દારૂ પી ને આવતા પત્નીએ આમ ન કરવા જણાવ્યું હતું જેથી પતિને મનમાં લાગી આવતા દવા પી આપઘાત કર્યો હોવાનો બનાવ પોલીસ ચોપડે નોંધાયો છે.સૂત્રો પાસેથી પ્રાપ્ત માહિતી અનુસાર રાજપીપળા કાલાઘોડા પાસે રહેતા રમેશ કરણભાઇ વાઘેલા ગતરોજ દારૂના નશામા ઘરે આવેલ હોય અને ઘરે દશા માતાજીના વ્રત ચાલુ હોય જેથી તેની પત્ની જાગુબેન રમેશભાઇ વાપેલાએ દારૂ પીવાની ના પાડતા તેને મનમા લાગી આવતા વતનમા જાવ છુ તેમ જણાવી રમેશ એ પાંચસો રૂપીયા માંગી ઘરની બહાર નીકળી જઈ અડધો કલાક પછી પરત આવી ઝુપડી ની પાછળ પેશાબ કરવાના બહાને પાછળ જઈ ઝેરી દવા પી લેતા સીવીલ હોસ્પિટલ રાજપીપળામાં સારવાર માટે લઈ ગયેલ જ્યાં સારવાર દરમ્યાન તેનું મોત નિપજ્યું હતું આ બાબતે પત્ની જગુએ રાજપીપળા પોલીસ મથકે જાણ કરતા પોલીસે બનાવ નોંધી તપાસ હાથ ધરી છે.