ભરત શાહ દ્વારા તાપીમિત્ર ન્યુઝ,રાજપીપળા:નર્મદા જિલ્લાના ડેડિયાપાડા તાલુકાના ઘાંટોલી ગામમાં પડેલા વરસાદમાં વીજળી પડતા એક મહિલાનું મોત નીપજ્યું હતું.પ્રાપ્ત માહિતી અનુસાર દેડિયાપાડા તાલુકામાં મંગળવારે પડેલા ગાજવીજ સાથેના વરસાદમાં ઘાંટોલી ગામમાં રહેતા કંકુબેન રાયસીંગભાઇ વસાવા (ઉ.વ.45) પર વીજળી પડતા મોત થયું હતું આ બાબતે દેડિયાપાડા પોલીસે અ.મોત દાખલ કરી તપાસ હાથ ધરી છે.અત્રે ઉલ્લેખનીય છેકે નર્મદા જિલ્લામાં વાયુ વાવઝોડા વખતે આવેલા પ્રથમ વરસાદમાં પણ દેડિયાપાડા તાલુકામાં વીજળી પડતા શાળામાં અભ્યાસ કરતા એક બાળક અને એક મહિલાનું મોત થયું હતું ત્યારે આ ઘટના બાદ વીજળી પડવાથી મોતનો આંકડો ત્રણ ઉપર પહોંચ્યો હતો.