તાપીમિત્ર ન્યુઝ,સોનગઢ:સોનગઢ નગર માંથી ઘર આંગણે પાર્ક કરવામાં આવેલ બજાજ કંપનીની મોટર સાયકલ ચોરાઈ હોવાની ફરિયાદ સોનગઢ પોલીસ મથકે કરવામાં આવી છે. મળતી માહિતી અનુસાર સોનગઢના નવાગામ વિસ્તારમાં આવેલ સાંઈ બાબા ના મંદિર પાસે રહેતા ગૌરવભાઈ સંજયભાઈ પાટીલના ઘર આંગણે પાર્ક કરવામાં આવેલ બજાજ કંપનીની મોટર સાયકલ નંબર જીજે-૨૬-કે-૮૩૪૫ ગત મોડી રાત્રે કોઈ અજાણ્યા ચોર ઈસમોએ ડૂબલિકેટ ચાવી વડે ચાલુ કરી ચોરી કરી નાસી ગયા હોવાની ફરિયાદ સોનગઢ પોલીસ મથકે કરી હતી જેના આધારે પોલીસે અજાણ્યા ચોર ઈસમો વિરુદ્ધ રૂ.૪૦,૦૦૦/- ની બાઈક ચોરી હોવાનો ગુન્હો દાખલ કરી તેમને શોધવા માટેના ચક્રોગતિમાન કર્યા છે.