તાપીમિત્ર ન્યુઝ,વલસાડ:વલસાડ જિલ્લાની સોનવાડા આશ્રમ શાળામાં શિક્ષકે વિદ્યાર્થીઓને માર મારતા વિવાદ થયો છે.ધરમપુરના હનમતમાળ સહિતના ગામોના 36 થી વધુ બાળકોને માર મરાયા છે.આ અંગે સુત્રો પાસેથી મળતી વિગત મુજબ હળપતિ સેવા સંઘ સંચાલિત આશ્રમ શાળામાં એક રૂમમાં કોઈ વિદ્યાર્થીએ શૌચ કરી જતા બાલકૃષ્ણ ટંડેલ નામના શિક્ષકે સવારે તમામ વિદ્યાર્થીઓ પર ઠંડુ પાણી નાખી લાકડાથી માર માર્યો હતો.દરમિયાન વિદ્યાર્થીઓનો આક્ષેપ છે કે,રોજ રાત્રે 9:00 વાગ્યા પછી તેમના રૂમનો દરવાજો બહારથી બંધ કરી દેવામાં આવે છે.આ ઘટના બાદ વાલીઓમાં રોષ છે.તેમણે શિક્ષક સામે ફરિયાદ નોંધાવવાની તજવીજ હાથ ધરી હોવાનું જાણવા મળ્યું છે.