દમણ પોલીસે પ્રદેશનાં અલગ-અલગ વિસ્તારમાં પાર્ક કરેલી બાઇકની ચોરી કરતી ગેંગના પાંચ ઈસમો ઝડપાયા હતાં. નાનીદમણ એરિયામાં રહેતા રાજેશકુમારે થોડા દિવસ અગાઉ પોલીસ સ્ટેશનમાં ફરિયાદ નોંધાવી હતી કે, તેમના ઘરની બહાર પાર્ક કરેલી રોયલ એનફિલ્ડ બાઇક નંબર DD/03/J/7275ને કોઇ ચોરી ઇસમ ચોરી કરી ગયું છે. જોકે પોલીસે બાઇક ચોરીનો ગુનો નોંધી હાથ ધરેલી તપાસમાં CCTV ફૂટેજ મેળવ્યા હતા. આ ઉપરાંત વાહન ચોરીનાં આરોપીને પકડવા માટે અલગ અલગ ટીમો બનાવી હતી.

જે બાતમી અને ટેકનીકલ સર્વેલન્સનાં આધારે પોલીસે પાંચ આરોપી દર્શન અને સુજલ (બંને રહે. ધેલવાડ-ડાભેલ), પ્રતિક (રહે.સોમનાથ-નાનીદમણ), આલમ (રહે.વરકુંડ) અને ડાભેલ સ્થિત ડીમાર્ટની સામે રહેતા નિરજની ધરપકડ કરી હતી. આમ, પોલીસે વાહન ચોરીની આ ટોળકી પાસેથી બે બૂલેટ મળીને કુલ 6 બાઇક કબ્જે કરી કાયદેસરની કાર્યવાહી હાથ ધરી હતી.