પલસાણા તાલુકાનાં માખીગા ગામની સીમમાં નેશનલ હાઇવે પર પ્લાસ્ટીકનાં દાણા ભરીને પસાર જઇ રહેલ એક ટ્રક હાઇવે પર પલટી ખાઇ જતાં તેમા આગ લાગી હતી. જેને લઇ ટ્રાફીક ચક્કાજામ થઇ જવા પામ્યો હતો. જયારે ડ્રાઇવર અને ક્લીનર સમય સુચકતા વાપરીને બહાર નીકળી જતા તેઓનો આબાદ બચાવ થયો હતો. મળતી માહિતી અનુસાર, ગતરોજ મોડી સાંજે પલસાણાની સીમમાંથી પસાર થતા નેશનલ હાઇવે નંબર-48 ૫૨ અચાનક એક ટ્રક પલટી ખાઇ જતા તેમાં જોત જોતામાં આગ લાગી ગઇ હતી.

જોકે દમણથી પ્લાસ્ટીકનાં દાણા ભરી દીલ્લી જવા માટે ટ્રક નંબર RJ/19/GH/2231 નીકળી હતી. ત્યારે પલસાણા ગામની હદમાં માખીગાં ગામની સીમમાં પોલીસ ચેક પોસ્ટની બાજુમાં નેશનલ હાઇવે 48 પરથી પસાર થતી વખતે ગાડીમાં પંક્ચર પડતા ટ્રકના ચાલકે બ્રેક મારતા ટ્રક પલટી ખાઇ ગઇ હતી અને જોત જોતામાં અચાનક સ્પાર્ક થઇ જતા ટ્રકમાં આગ લાગી ગઇ હતી. ટ્રકમાં પ્લાસ્ટીકના દાણા ભરેલ હોવાથી જોત જોતામાં આગ આખી ટ્રકમાં ફેલાઇ ગઇ હતી.