મહુવા તાલુકાનાં વાંસકુઈ ગામે નહેર પાસે બે બાઈક સામસામે ટકરાતા એક બાળક સહિત એક બાઈક ચાલકનું મોત નિપજ્યું હતું. સુત્રો પાસેથી મળતી માહિતી મુજબ, મહુવા તાલુકાનાં વેલણપુર ગામે પીપળા ફળિયામાં રહેતા હિતેશ ચંદુભાઈ નાયકા બાઈક નંબર GJ/19/AR/2334 પર પોતાની પત્ની તથા બાળક સાથે પોતાના ઘરે વેલણપુર જઈ રહ્યા હતા. તે દરમ્યાન વાંસકુઈ ગામે નહેર પાસે GJ/21/BD/4537નાં ચાલક ઉદય હર્ષદભાઇ પટેલ (રહે.સાંબા ગામ, મહુવા)નાંએ ગફલતભરી રીતે હંકારી હિતેશભાઈની બાઈક સાથે અકસ્માત કર્યો હતો.

જ્યાં બાઈક પર સવાર હિતેશ નાયકા, તેની પત્ની વૈશાલીબેન તથા બે વર્ષિય બાળક અંશ રોડ પર પટકાતા તાત્કાલીક 108માં મહુવા સી.એચ.સી ખાતે લઈ જવામાં આવ્યા હતા જયાં ડોક્ટરોએ અંશ નાયકાને મૃત જાહેર કર્યો હતો જ્યારે હિતેશ તથા ઉદય હર્ષદભાઈ પટેલને વધુ સારવાર માટે સુરત ખાતે લઇ જવામાં આવ્યા હતા જ્યાં સારવાર દરમ્યાન ઉદય હર્ષદભાઈ પટેલનું પણ મોત થયું હતું. બનાવ અંગેની ફરિયાદ વૈશાલીબેન પટેલે મહુવા પોલીસમાં કરતા મહુવા પી.એસ.આઈ એસ.એમ.પટેલે ગુનો નોધી વધુ તપાસ હાથ ધરી હતી.