બીલીમોરાનાં પોંસરી ગામ પાસેના દરિયા કિનારે દમણથી મોટી સંખ્યામાં દારૂ આવનાર હોવાની બાતમી SMCને મળતા રાત્રિનાં અંધારામાં રેઈડ કરી રૂપિયા 2,97,600/-નાં વિદેશી દારૂનો જથ્થો ઝડપી પાડ્તા ચાર બુટલેગરોમાં નાસભાગ મચી હતી. જોકે ચાર મુખ્ય આરોપી સહિત અન્ય ચારને વોન્ટેડ જાહેર કરવામાં આવ્યા હતા.

જયારે દમણથી પૌસરી આવી રહેલા રૂપિયા 2,97,600/-ની કિંમતની 3,696 બોટલના જથ્થા સહિત પાંચ લાખની કિંમતની એક બોટ મળી કુલ રૂપિયા 7,97,600/-નો મુદ્દામાલ ઝડપી પાડવામાં આવ્યો હતો. SMCની રેઈડની માહિતી મળતા તમામ બુટલેગરો અને તેમના માણસો ભાગી છુંટવામાં સફળ રહ્યા હતા અને SMCએ બીલીમોરા પોલીસને જાણ કરી તપાસ સોંપવામાં આવી હતી. જોકે આ રેઈડમાં લાલુ, અંકિત પટેલ, બળવંત ટંડેલ અને જયેશ પટેલ સામે કાર્યવાહી સાથે અન્ય ચારને વોન્ટેડ જાહેર કરવામાં આવ્યા છે.