નર્મદાના ડેડીયાપાડા તાલુકામા આવેલા ચોકીમાલી ગામમાં યુવતીએ અગમ્ય કારણસર ઝેરી દવા પી જીવનનો અંત આણ્યો હતો. મળતી માહિતી અનુસાર, રીનાબેન લાલજીભાઇ વસાવાએ કોઇ અગમ્ય કારણોસર કપાસમાં છાટવાની ઝેરી દવા પી જતા પ્રથમ સારવાર માટે દેડીયાપાડા સરકારી હોસ્પીટલ ખાતે દાખલ કરી વધુ સારવાર માટે રાજપીપળા સરકારી હોસ્પીટલ ખાતે દાખલ કરેલા અને સારવાર દરમિયાન તેણીનું મોત નિપજ્યું હતું. બનાવ અંગે પોલીસે અકસ્માત મોત દાખલ કરી તપાસ હાથ ધરી છે.