વઘઇ સાપુતારા રાજ્યધોરી માર્ગ ઉપર ગીરાધોધ ફાટક પાસે પૂરઝડપે જતી ટ્રકે બાઈકને અડફેટે લેતા યુવકનું ઘટના સ્થળે મોત નીપજતા પંથકમાં ચકચાર મચી ગઈ હતી. સુત્રો પાસેથી મળતી માહિતી મુજબ, વઘઇ સાપુતારા માર્ગ ઉપર ધર્મેશભાઈ મયલુભાઈ ભોંયે વઘઇથી પોતાની બાઈક નંબર જીજે/21/બીબી/2621 ઘરે રંભાસ જઈ રહ્યો હતો.

તે દરમિયાન ગીરાધોધ ફાટક પાસે રોંગ સાઇડે ધસી આવેલ ટ્રક નંબર જીજે/05/બીવી/8390નાં ચાલકે બાઈકને અડફેટે લઈ ગંભીર ઇજા પહોંચાડતા બાઈક ઉપર સવાર ધર્મેશભાઈ ભોંયે (ઉ.વ.27) નાનુ ઘટના સ્થળે જ મોત નીપજ્યું હતું. બનાવ અંગે મૃતક યુવકનાં પિતા મયલુભાઈ ભોંયએ વઘઇ પોલીસમાં ફરિયાદ નોંધાવતા પોલીસે અકસ્માત ગુનો નોંધી ટ્રક ચાલક સામે કાયદેસરની કાર્યવાહી હાથ ધરી હતી.