સુરત જિલ્લા એલ.સી.બી. પોલીસે પૂર્વ બાતમીનાં આધારે માંગરોળનાં બોરસદ ગામની સીમમાં આવેલ ખેતર નજીક ઝાડીઝાંખરીમાં છુપાવી રાખેલ રૂપિયા ૨,૫૩,૦૦૦/-નાં કિંમતનો વિદેશી દારૂનો જથ્થો ઝડપી પાડ્યો હતો. મળતી માહિતી મુજબ, માંડવીનાં તુકેદ ગામે કદવાલી ફળીયામાં રહેતા સુનીલ કદવાલીએ માંગરોળનાં બોરસદ ગામની સીમમાં મનુબેન લાલજીભાઈ ગામીતનાં ખેતરની બાજુમાં ઝાડીમાં મોટા પ્રમાણમાં વિદેશી દારૂનો જથ્થો ઉતાર્યો છે અને તે જેને સગેવગે કરવાની પેરવીમાં છે. એવી એલ.સી.બી. પોલીસને બાતમી મળતા સ્થળ પર પહોંચી જઈ તપાસ કરતા રૂપિયા ૨,૫૩.૨૨૪/-નાં કિંમતની ૧,૧૬૪ નંગ વિદેશી દારૂની બોટલો શોધી કાઢી હતી. આમ, પોલીસે સુનીલ કદવાલીને દારૂના ગુનામાં વોન્ટેડ જાહેર કર્યો હતા.