ભરૂચનાં હાંસોટ તાલુકાનાં ખરચ ગામમાં વિઘવાનાં બંધ મકાનનાં તાળા તોડી તસ્કરો 13 હજારનાં સોના-ચાંદીનાં દાગીના લઈ અજાણ્યા તસ્કરો ફરાર થયા હતા. બનાવની વુગ્ત એવી છે કે, હાંસોટ તાલુકાનાં ખરચ ગામે આવેલ સૂર્યકિરણ સોસાયટીનાં મકાન નંબર-120માં રહેતા હેમલતા પરમાર પોતાના પતિના મૃત્યુ બાદ પોતાના છોકરાને ત્યાં રહેતા હતા. ગત સવારે તેમને ફોન આવેલ કે, તમારા ઘરના તાળા તૂટેલા છે. આથી હેમલતા પોતાના ઘરે તપાસ કરતાં કબાટ તૂટેલો હતો અને તેમાંથી સોના ચાંદીના દાગીના ચોરી ગયાનું માલમ પડયું હતું. બનાવ અંગે તેમણે હાંસોટ પોલીસ સ્ટેશનમાં ફરિયાદ નોંધાવી છે. આમ, પોલીસે ચોરીનો ગુનો નોંધી કાયદેસરની કાર્યવાહી હાથ ધરી હતી.