Owner, Publisher, Editor :- Maheshbhai Prajapati RNI REG NO GUJGUJ/2016/70990 Mo. 78200 92500

ટીચકપુરા ગામની સીમમાં ટ્રક અડફેટે યુવકનું ગંભીર ઈજાને કારણે મોત નિપજ્યું

  • March 16, 2025 

મનિષા એસ. સુર્યવંશી/તાપી : વ્યારાના ટીચકપુરા ગામની સીમમાંથી પસાર થતાં નેશનલ હાઈવે પર સુરતથી સોનગઢ તરફ જતા ટ્રેક ઉપર સુરત તરફથી આવતા ટ્રક અડફેટે આવતાં મહારાષ્ટ્રનાં યુવકનું ગંભીર ઈજાને કારણે મોત નિપજ્યું હતું. બનાવ અંગે પોલીસે ટ્રક ચાલક સામે ગુનો નોંધી કાર્યવાહી હાથ ધરી હતી.


મળતી માહિતી મુજબ, મહારાષ્ટ્રના ધુલિયા જિલ્લાના સાંક્રી તાલુકાના ધનેર ગામ, એટલીબીલાટી સાંઇરામ રામદાસભાઇ સોનવણે (ઉ.વ.૨૯.હાલ રહે.RTO પાછળ આવેલ શેરડીના પડાવમાં, ટીચકપુરા ગામ, તા.વ્યારા)નો તારીખ 14/03/2025 નારોજ રાત્રિના સમયે ટીચકપુરા સેવન ડે સ્કુલ પાસે દુકાને ગયો હતો અને ત્યાંથી પરત આવતો હતો. તે સમયે ટીચકપુરા ગામની સીમમાંથી પસાર થતાં નેશનલ હાઈવે નંબર-53ના સુરતથી સોનગઢ તરફ જતા ટ્રેક ઉપર સુરત તરફથી આવતા ટ્રક નંબર GJ/21/Y/3843ના ચાલકે પોતાના કબ્જાનો ટ્રક પુરઝડપે અને ગફલત ભરી રીતે હંકારી લાવી સાંઇરામને અડફેટે લઈ અકસ્માત સર્જ્યો હતો.


જોકે આ અકસ્માતમાં સાંઇરામને માંથાના ભાગે ગંભીર ઈજા તથા જમણા હાથે ગંભીર ઇજા અને  જમણા હાથની પ્રથમ આંગળીમાં ઇજા અને શરીરે નાનીમોટી ઈજા થતાં સારવાર માટે 108 એમ્બ્યુલન્સમાં વ્યારા જનરલ હોસ્પીટલ ખાતે લઇ જતા ફરજ પરના ડોકટરએ પ્રાથમિક સારવાર આપી વધુ સારવાર માટે સુરત ખાતે રીફર કરતા રસ્તામાં મોત નિપજ્યું હતું. બનાવ અંગે રામદાસભાઈ શ્યામભાઈ સોનવણેનાએ તારીખ 15/03/2025 નારોજ વ્યારા પોલીસ મથકે ટ્રક ચાલક સામે ગુન્હો નોંધાવતા પોલીસે ગુન્હો નોંધી આગળની વધુ કાર્યવાહી હાથ ધરવામાં આવી હતી.




લાઈક અને ફોલો કરો અમારું ફેસબુક પેજ FACEBOOK - TAPIMITRA


સબસ્ક્રાઈબ કરો યૂ ટ્યૂબ ચેનલ YOUTUBE - TAPIMITRA


મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  78200 92500  

View News On Application