તાપી એલસીબી પોલીસ સ્ટાફના માણસો ગતરોજ બપોરે 1 વાગ્યાના સમયે ખાનગી વાહનમાં બેસી વ્યારા પોલીસ સ્ટેશનાના વિસ્તારમાં પ્રોહી. ગુન્હાની પેટ્રોલીગમાં નીકળ્યા હતા. તે દરમિયાન મળેલ ખાનગી બાતમીના આધારે, સોનગઢથી વ્યારા તરફ એક યુવક બાઈક ઉપર દારૂનું વહન કરનાર છે જે બાતમીના આધારે પોલીસે વિરપુર ગામ પાસે વોચ ગોઠવી હતી. તે દરમિયાન બાતમીવાળી બાઈક નંબર જીજે/19/ક્યુ/3147ને અટકાવી બાઈક ચાલકનું નામ પૂછતા પૃથ્વીભાઈ વિજયભાઈ મોહિતે (રહે.વેગી ફળિયું, વ્યારા) જણાવ્યું હતું. ત્યરબાદ પોલીસે તપાસ હાથ ધરતા બાઈકના સીટમાં તથા પેટ્રોલની ટાંકીમાં બનાવેલ ચોરખાનામાંથી ભારતીય બનાવટના ઈંગ્લીસ દારૂની 96 બોટલ મળી આવી હતી. આમ, પોલીસે દારૂની બોટલ જેની કીંમત રૂપિયા 4800/- તથા 1 નંગ મોબઈલ જેની કીંમત 3000/- અને બાઈકની કીંમત રૂપિયા 15,000/- મળી કુલ રૂપિયા 22,800/-નો મુદ્દામાલ કબ્જે કરી પોલીસે કાયદેસરની કાર્યવાહી હાથ ધરી હતી.