મહુવાનાં વેલણપુર ગામના ઈસમે અગમ્ય કારણોસર પુલ પરથી નદીમાં કુદી જીવન ટુકાવી દીધું હતું. સુત્રો પાસેથી મળતી માહિતી મુજબ, મહુવા તાલુકાનાં વેલણપુર ગામે નાયકીવાડમાં રહેતા ઈશ્વરભાઈ અમતભાઈ નાયકા (ઉ.વ.37) બપોરના ઘરેથી કોઇને કહ્યા વગર ક્યાંક ચાલ્યા ગયા હતા અને કોઈક કારણસર વેલણપુર ગામની સીમમાંથી પસાર થતી અંબિકા નદીનાં પુલ પરથી ઝંપલાવી આપઘાત કર્યો હતો. બનાવ અંગે બીપીનભાઇ નાયકાએ ફરિયાદ આપતા મહુવા પોલીસે સ્થળ પર પહોચી લાશનો કબજો આગળની કાર્યવાહી હાથ ધરી હતી.