વાપીના ડુંગરાથી પુંઠાની આડમાં લઈ જવાતો 13.62 લાખના દારૂ સાથે ટ્રક ચાલકની ધરપકડ કરાઈ છે. વાપી ડુંગરા પોલીસની ટીમે ગત તા.22નાં રોજ સલવાવ વિસ્તારમાં પેટ્રોલીંગ હતી તે દરમિયાન મળેલ બાતમીના આધારે, હાઇવે ઓવરબ્રીજના દક્ષિણ તરફના છેડા ઉર વાપીથી સુરત તરફ જતા ટ્રેક ઉપર ટ્રક નંબર જીજે/09/ઝેડ/4925ને અટકાવી અંદર તપાસ કરતા પુઠાની આડમાંથી દારૂનો જથ્થો મળી આવ્યો હતો. પોલીસે ચાલક મુકેશ સિલિકસિંગ (રહે.બલીઠા ફાટક પાસે) ને પકડી પાડી રૂપિયા 13.62 લાખનો દારૂ કબ્જે લઇ પૂછપરછ કરતા ચાલકે જણાવ્યું કે, આ માલ દમણથી જાવેદ નામના ઇસમે ભરાવી આપ્યો હતો અને સુરતના હજીરા ખાતે લઇ જવાનો હતો તેમજ એક ફેરા માટે 7 હજારનું ભાડું નક્કી કરાયું હતું. આમ, પોલીસે ટ્રક, પુઠા અને દારૂ મળી કુલ રૂપિયા 21,63,940/-નો મુદ્દામાલ કબ્જે કરી કાયદેસરની કાર્યવાહી હાથ ધરી હતી.