અમેરિકામાં ફાયરિંગની બે ઘટનાઓ બની હતી. આ ફાયરિંગની ઘટનાઓમાં ચારનાં મોત થયા હતા, 8ને ઈજા પહોંચી હતી. ફાયરિંગ કરનારાઓની ધરપકડ થઈ છે અને પૂછપરછ શરૂ કરવામાં આવી છે. અમેરિકાનાં કેલિફોર્નિયામાં ઓરેન્જ કાઉન્ટીના લાગુના વૂડ્સમાં આવેલા એક ચર્ચના પટાંગણમાં ભોજન સમારોહ ચાલતો હતો. તે વખતે એક વ્યક્તિએ અંધાધૂંધ ગોળીબાર કર્યો હતો. જેમાં બેનાં મોત થયા હતા અને 5ને ઈજા પહોંચી હતી. બીજું ફાયરિંગ હ્યુસ્ટનમાં થયું હતું.

જયારે હ્યુસ્ટનનાં એક વ્યસ્ત માર્કેટમાં બે જૂથ વચ્ચે કોઈ બાબતે બોલાચાલી થઈ હતી. એ દલીલો વચ્ચે એક જૂથે ગોળીબાર કર્યો હતો, જેમાં બેનાં મોત થયા હતા. 3ને ઈજા પહોંચી હતી. આ ગોળીબારમાં કોઈ અન્ય નાગરિકોને ઈજા પહોંચી નથી. જૂથના લોકો જ સામ-સામા ઘવાયા છે. પોલીસના કહેવા પ્રમાણે જે ઈજાગ્રસ્તોને હોસ્પિટલમાં દાખલ કરવામાં આવ્યા છે, એમાંથી જ બે આરોપીઓએ ગોળીબાર કર્યો હતો. પોલીસે તેની પૂછપરછ હાથ ધરી હતી.