સોનગઢના દેવલપાડા ગામાની સીમમા કનાળા ગામ તરફ જતા રોડ ઉપર અજાણ્યા વાહન અડફેટે બાઈક સવાર બે લોકોને શરીરે ગંભીર ઈજા પહોંચતા સારવાર અર્થે લઇ જવામાં આવ્યા હતા.

મળતી માહિતી મુજબ સોનગઢ તાલુકાના દેવલપાડા ગામાની સીમમા કનાળા ગામ તરફ જતા રોડ ઉપર તા.૧૯/૦૩/૨૦૨૩ નારોજ વિશ્રામભાઇ હરજીભાઇ  ઢોડીયા (ઉ.વ.૬૬) તથા રમેશભાઇ હરજીભાઇ ઢોડીયા (ઉ.વ.૬૭) બંને રહે.નવુ ઢોડીયાવાળ તા.વ્યારા જી.તાપી નાઓ પોતાના કબ્જાની સાઇન બાઈક નંબર જીજે/૨૬/આર/૩૭૩૨ની ઉપર જઈ રહ્યા હતા. તે દરમ્યાન સામેથી એક અજાણ્યા ટ્રક ચાલકે પોતાની ટ્રકને પુર ઝડપે અને ગફલત ભરી રીતે હંકારી લાવી બાઈકને અડફેટમાં લઈ લીધી હતી. આ અકસ્માતના બનાવમાં બાઈક ઉપર સવાર વિશ્રામભાઇ  ઢોડીયાને જમણા હાથે આંગણીના ભાગે તથા કોણીના ભાગે ઇજા પહોંચી હતી તથા રમેશભાઇને જમણા પગે ફેકચર તથા માથાના પાછળના ભાગે ઇજા પહોંચી હતી.

બનાવ અંગે વિશ્રામભાઇ હરજીભાઇ  ઢોડીયાએ ફરિયાદ આપતા તા.૨૨/૦૩/૨૦૨૩ નારોજ સોનગઢ પોલીસ દ્વારા અજાણ્યા વાહન ચાલક સામે ગુનો નોંધી વધુ તપાસ હાથ ધરાવમાં આવી હતી.