તાપી જીલ્લા એલસીબી પોલીસ ને મળેલ બાતમીના આધારે સોનગઢ તાલુકાના ખડી ગામ પાસેથી એક બાઈક ઝડપી પાડી હતી.

તપાસ દરમિયાન બાઈક નંબર જીજે/26/એસ/1018 ઉપર સવાર વિનયમભાઈ કાળીદાસ ગામીત અને જીગ્નેશભાઇ રવીન્દ્ર ગામીત બંને જણા રહે,ઘુટવેલ ગામ,બંગલી ફળિયું-સોનગઢ નાઓ પાસેથી વિદેશીદારૂની કુલ બાટલી નંગ-56 જેની કિંમત રૂપિયા 5,600/-નો દારૂ મળી આવ્યો હતો.

આરોપીઓની અંગ ઝડતી દરમિયાન રોકડ રૂપિયા 6,200/- તથા મોબાઈલ ફોન નંગ-3 જેની કિંમત રૂપિયા 4,500/- મળી કુલ રૂપિયા 16,300/- નો મુદ્દામાલ કબજે કર્યો હતો. બનાવ અંગે પકડાયેલા બંને આરોપીઓ વિરુદ્ધ સોનગઢ પોલીસ મથકે ગુનો દાખલ કરી નિયમોનુસારની કાર્યવાહી હાથ ધરવામાં આવી હતી.