નવસારી જિલ્લાનાં ખડસુપા-સણવલ્લા રોડ પરથી રૂ.૧૫ લાખનો ઇંગ્લિશ દારૂ ભરેલ ટેમ્પા સાથે તેના ચાલકને ઝડપી પાડી રૂ.૨૫ લાખથી વધુનો મુદ્દામાલ કબ્જે કર્યો હતો. સૂત્રો પાસેથી મળતી વિગતો અનુસાર, નવસારીનાં એલ.સી.બી.ના પી.આઈ.ને માર્ગદર્શન હેઠળ પોલીસ સ્ટાફ પ્રોહિબીશનની કામગીરીમાં હતો.

તે વખતે મળેલી બાતમીના આધારે ખડસુપા-સણવલ્લા રોડના નાગધરા મંડળી સામેના રોડ પરથી પસાર થતા ઇંગ્લિશ દારૂના ટેમ્પાને ઝડપી પાડી તેમાંથી ઇંગ્લિશ દારૂની બોટલો નંગ ૧૩૮૩૮ જેની કિંમત રૂપિયા ૧૫,૧૬,૭૦૪/-નો મુદ્દામાલ કબ્જે કરી ડ્રાઈવર શિવ બહાદુર હીરાલાલ વિશ્વકર્મા (ઉ.વ.૩૧, રહે.ત્રિસુંદીગામ, જિ.અમેઠી, ઉત્તરપ્રદેશ)ને ઝડપી પાડી રૂપિયા ૨૫ લાખનો મુદ્દામાલ કબ્જે કર્યો હતો. જયારે પોલીસે આ ગુન્હામાં ઇંગ્લિશ દારૂ ભરાવનાર રમેશ નામનાં ઈસમને વોન્ટેડ જાહેર કર્યો હતો. બનાવ અંગે નવસારી રૂરલ પોલીસે પ્રોહિબીશનાનો ગુનો નોંધી કાયદેસરની કાર્યવાહી હાથ ધરી હતી.