ભરૂચનાં અંકલેશ્વર તાલુકા પોલીસે નવાગામ કરારવેલ ગામના નવા ટેકરા નજીક જુગાર રમતા આઠ પૈકી ચાર જુગારીયાઓને ઝડપી પાડયા હતા. મળતી માહિતી મુજબ, અંકલેશ્વરનાં નવાગામ કરારવેલ ગામના નવા ટેકરા નજીક લીંબુવાડી પાસે ખુલ્લી જગ્યામાં જુગાર રમાઈ રહ્યો છે. જેવી બાતમીના આધારે તાલુકા પોલીસે દરોડા પાડ્યા હતા. પોલીસે સ્થળ પરથી રોકડા ૧૧ હજાર અને બે વાહનો મળી કુલ ૯૧ હજારથી વધુનો મુદ્દામાલ કબ્જે કર્યો હતો.અને ઝઘડિયાના ઉટિયા ગામના પટેલ ફળિયામાં રહેતો ઈરફાન અકબર હુસેન ચૌહાણ,રાહુલ રતિલાલ વસાવા,ઈરફાન ઉર્ફે ઈ રફાન વકીલ ઇસ્માઇલ લીંબાડા તેમજ બીરેન કિશન યાદવને ઝડપી પાડયો હતો. જયારે અન્ય ચાર જુગાર ફરાર થઈ ગયા હતા.