ભરૂચનાં ભાલોદ નર્મદા નદીના પટમાંથી સરકારી નિયમ વિરૂધ્ધ ભીની પાણી નિતરતી હાલતમાં ઓવરલોડ રેતી ભરેલી ટ્રકે રાજપારડી મેઈન બજાર નજીક એક માસુમ કિશોરને કચડતા હાહાકાર મચી ગયો હતો. સાંજના સમયે રાજપારડી બજાર નજીક ૧૧ વર્ષીય બાકળ ઉપર ટ્રકના પૈડા ફરી વળતા માસુમ બાળકનું ઘટના સ્થળ ઉપર જ કમકમાટી ભયં મોત નીપજ્યું હતું.

કિશોરના મોતનાં પગલે સ્થાનિક લોકો વિફર્યા હતા અને ટ્રકની તોડફોડ કરી હતી. ટ્રક ચાલકને હાજર કરવાની માંગ પુરી થયા બાદ જ માસુમનો મૃતદેહ ઉઠાવવાને પગલે વાતાવરણ ગરમાયું હતું. મોડી સાંજના સમયે ભાલોદથી સરકારી નીપમોની જૈસીતૈસી કરી ભીની પાણી નિતરતી હાલતમાં અને ઓવરલોડ રેતી ભરી જતી ટ્રકના ચાલકે રાજપારડી મેઈન બજાર નજીક ૧૧ વર્ષીય ક્રિશ પરમાર નામના માસુમ બાળકને કચડયો હતો. માસુમનું ટ્રકના પૈડા નીચે કચડાય જતા તેનું સ્થળ ઉપર જ કમકમાટી ભર્યું મોત નીપજ્યું હતું. પોલીસે ટ્રક ચાલક વિરૂધ્ધ ગુનો દાખલ કરી વધુ તપાસ હાથ ધરી હતી.