ઉચ્છલ નજીકના ઉકાઇ જળાશયમાં મિત્રો જોડે નહાવા પડેલા 16 વર્ષીય સગીરનું જળાશયના પાણીમાં ડૂબી જવાથી કરુણ મોત નિપજ્યું હોવાનો બનાવ પોલીસ મથકે નોંધાયો છે.

 

 

 

 

મળતી માહિતી અનુસાર, ગત રોજ તાપી જિલ્લાના સોનગઢનાં અવતાર-નગર સોસાયટીના સ્ટેશન રોડ વિસ્તારમાં રહેતો ક્રિસકુમાર વિજયભાઈ સેલકે (ઉ.વ.16) નાનો મંગળવારે સાંજે તેમના મિત્રો જોડે ઉચ્છલના થુટી ગામે આવેલ ઉકાઈ જળાશયના કિનારે આવેલ એરીગેશન પાસે ઉકાઈ જળાશયના પાણીમાં નાહવા માટે ગયા હતા. તે દરમિયાન આકસ્મિત રીતે ઉકાઈ જળાશયના પાણીમાં ડૂબી જવાથી તેને સારવાર માટે સોનગઢ સરકારી દવાખાને લઈ આવતા ફરજ પરના ડોકટરે ક્રીસકુમારને મૃત જાહેર કર્યો હતો.

 

 

 

આ ઘટના અંગે વિજયભાઈ સેલકેની ફરિયાદના આધારે ઉચ્છલ પોલીસે બનાવ નોંધી વધુ તપાસ હાથ ધરી હતી.ક્રીસકુમારના મોતના પગલે પરિવારમાં ભારે શોકની લાગણી છવાઈ હતી.(ફાઈલ ફોટો)