તાપી જિલ્લાના માત્ર વ્યારા તાલુકામાં શનિવારે કોરોના પોઝીટીવનો ૧ કેસ સામે આવ્યો છે. વ્યારાના કાળાવ્યારામાં ૩૧ વર્ષીય મહિલાનો કોરોના ટેસ્ટ પોઝીટીવ આવ્યો છે. આજે વધુ ૧ દર્દીએ કોરોનાને મ્હાત આપતા રજા આપવામાં આવી છે. જિલ્લામાં હવે માત્ર ૭ કેસ એક્ટિવ છે.

 

 

 

 

મળતી માહિતી મુજબ જિલ્લામાંથી આજે કોરોના વાયરસના શંકાસ્પદ દર્દીઓના ૬૬૩ સેમ્પલ લેવામાં આવ્યા છે. જિલ્લામાં આજદિન સુધી કોરોના પોઝીટીવના કુલ ૩૮૭૭ કેસો નોંધાઈ ચુક્યા છે.અત્યાર સુધી કુલ ૩૭૪૫ દર્દીઓ કોરોનાની સારવાર લઈ સાજા થયા છે.

 

 

 

 

જિલ્લામાં કોરોનાની સારવાર દરમિયાન અન્ય કારણોસર કુલ ૧૦૫ દર્દીઓના મોત નિપજ્યા છે જયારે કોરોનાથી ૨૦ દર્દીઓના મોત સાથે આજદિન સુધી જિલ્લામાં કુલ ૧૨૫ દર્દીઓના મોત નિપજ્યા છે.