તાપી જીલ્લા આરોગ્ય તંત્રની ભારે મહેનત બાદ કોરોના કેસમાં નિયંત્રણ મેળવવા સફળ રહ્યા હોય તેમ જીલ્લામાં કોરોના સંક્રમીત કેસની સંખ્યામાં ઘટાડો થયો છે. પરંતુ જે રીતે લોકો સોસિયલ ડિસ્ટન્ટ કે માસ્ક વગર બિન્દાસ્ત હરવા ફરવા લાગ્યા છે. તે એક ચિંતાનો વિષય બન્યો છે. 

 

 

 

તાપી જીલ્લા આરોગ્ય અધિકારી ડો,હર્ષદભાઈ પટેલના જણાવ્યા અનુસાર તા,15-ડીસેમ્બર નારોજ વાલોડ તાલુકાના દેગામાના ઢોડીયા ફળીયામાં 64 વર્ષીય મહિલા, નિઝરના ગાયત્રી ચોકમાં 46 વર્ષીય મહિલા અને 18 વર્ષીય યુવતી તથા વેલદા ગામના ચૌધરી ફળીયામાં 16 વર્ષીય યુવતીનો કોરોના રીપોર્ટ પોઝીટીવ આવ્યો છે,

 

 

 

આ સાથ જિલ્લામાં કોરોના પોઝીટીવ દર્દીઓ નો કુલ આંક 800 ને પાર થયો છે, આજે વધુ 2 દર્દીઓ સાજા થતા  રજા અપાઈ, અત્યાર સુધી કુલ 780 દર્દીઓ સાજા થયા છે. કોરોનાની સારવાર દરમિયાન કુલ 41 દર્દીઓના મોત નીપજ્યા છે. જીલ્લામાંથી કોરોના ટેસ્ટ માટે 387 સેમ્પલ લેવામાં આવ્યા છે.