તાપી જિલ્લામાં શનિવારે  કોરોના પોઝિટીવના વધુ ૨ કેસ સામે આવ્યા છે. જેમાં વ્યારાના ચંદનવાડી સોસાયટીમાં ૩૮ વર્ષીય મહિલા અને ઉંચામાળા KAPSમાં ૪૦ વર્ષીય મહિલાનો કોરોના ટેસ્ટ પોઝિટીવ આવ્યો છે. જયારે ૩ દર્દીઓ સાજા થતા રજા આપવામાં આવી છે. હાલ ૭ દર્દીઓ કોરોનાની સારવાર લઈ રહ્યા છે.  

જિલ્લામાં કોરોના પોઝીટીવના કુલ ૩૮૬૫  કેસો નોંધાઈ ચુક્યા છે. અત્યાર સુધી કુલ ૩૭૩૩ દર્દીઓ કોરોનાની સારવાર લઈ સાજા થયા છે. જિલ્લામાંથી કોરોના ટેસ્ટ માટે  ૪૮૭  સેમ્પલ લેવામાં આવ્યા છે. જિલ્લામાં કોરોનાની સારવાર દરમિયાન અન્ય કારણોસર કુલ ૧૦૫ દર્દીઓના મોત નિપજ્યા છે જયારે કોરોનાથી ૨૦ દર્દીઓના મોત સાથે આજદિન સુધી જિલ્લામાં કુલ ૧૨૫ દર્દીઓના મોત નિપજ્યા છે.