ડિંડોલી પ્રિયંકાનગર સોસાયટીના બંધ મકાનમાં ત્રાટકેલા તસ્કરો રોકડા ૪૫ હજાર, લેપટોપ અને મોબાઈલ મળી કુલ રૂપિયા ૫૬ હજારના મતાની ચોરી કરી નાસી ગયા હતા.

ડિંડોલી પોલીસના જણાવ્યા મુજબ ડિંડોલી સી.આર.પાટીલ રોડ માનસી રેસીડેન્સીની સામે પ્રિયંકાનગર સોસાયટીમાં રહેતા સંદિપકુમાર શિયાચરણ કબીરપંથીના મકાનમાં મંગળવારે મોડી રાત્રે તસ્કરો ત્રાટક્યા હતા. તસ્કરોઍ  સંદિપકુમારના ઘરના નીચેના ભાગે આવેલ લોખંડની ગ્રીલ ખોલી મુખ્ય દરવાજાનો નકુચો તોડી અંદર ઘુસ્યા હતા. ઍ મોબાઈલ, લેપટોપ તેમજ રોકડા ૪૫ હજાર મળી કુલ રૂપિયા ૫૬ હજારના મતાની ચોરી કરી નાસી ગયા હતા. પોલીસે સંદિપકુમારની ફરિયાદ લઈ તપાસ હાથ ધરી છે.