નાસતા-ફરતા વોન્ટેડ આરોપીઓને ઝડપી પાડવા તાપી જીલ્લા લોકલ ક્રાઈમ બ્રાંચ નો સ્ટાફ ખાનગી વાહનોમાં બેસી વાલોડ તાલુકાના વિસ્તારમાં પેટ્રોલિંગ માં હતા.

 

 

તે દરમિયાન હેડેકોન્સ્ટેબલ લેબજીભાઇ પરબતજીભાઇ નાઓને ખાનગી રાહે મળેલ બાતમીના આધારે બારડોલી પોલીસ મથકે II ગુ.ર.નં.127/2017 ધી ગુ.પ્રા.સે.અ.1954 ની કલમ-5,6(ક),(3), (4),8,9,10 (પશુ-ઘાતકીપણા) મુજબના ગુનાના નાસતો ફરતો વોન્ટેડ આરોપી સાહીલ બાબુભાઇ પઠાણ રહે,પાદર ફળીયુ તા.વાલોડ જી.તાપી નાને વાલોડ તાલુકાના વેડછી સર્કલ પાસેથી ઝડપી પાડી આરોપી સાહિલ પઠાણ ની પૂછપરછ હાથ ધરતા આરોપીએ બારડોલી પોલીસ મથકે નોંધાયેલ ગુના ની કબુલાત કરી હતી.

 

 

હાલમાં કોરોના મહામારી અનુસંધાને નામદાર હાઇકોર્ટની ગાઈડ લાઈન મુજબ આરોપીની મેડીકલ તપાસણી કરાવી અટક કરવાની કાર્યવાહી કરવાની હોય જેથી મેડીકલ કરાવવા તજવીજ કરી વધુ કાર્યવાહી કરવા સારૂ વાલોડ પોલીસ સ્ટાફના માણસો ને સોંપવામાં આવ્યો હતો.