નિઝર તાલુકાનાં સયાજી ગામમાં રહેતી સપનાબેન મિથુનભાઈ વસાવા અને મિથુનભાઈ જે બ્લોક બેસાડવાની મજૂરીનું કામ કરે છે અને તેમની દિકરી નિતિક્ષા વસાવા (ઉ.વ.16) જેને હાલમાં જ ધોરણ-10 પાસ કર્યું છે. પરંતુ નિતિક્ષા ઘરે એકલી હોવાથી સપનાબેન મહુવાના વેલણપુર ગામમાં બ્લોક બેસાડવા માટે મળસ્કે સવારે નીકળેલ હતા. તે દરમિયાન નિતિક્ષા પણ પોતાના માતા-પિતા સાથે રીક્ષામાં બેસી વેલણપુર ગામે નીકળ્યા હતા. તે સમયે નિઝર નજીક આવેલ રૂમકીતળાવ ગામ નજીકથી પસાર થઈ રહ્યા હતા ત્યારે એક આઈશર ટેમ્પોના ચાલકે રીક્ષાની જમણી તરફ ટક્કર મારી નાસી છૂટ્યો હતો. આ અકસ્માતમાં રીક્ષાના જમણી બાજુએ બેસેલ નિતિક્ષાને માથાના ભાગે ગંભીર ઈજા થતા સ્થળ પર જ કરુણ મોત નીપજ્યું હતું.

આ બનાવ અંગે નિઝર પોલીસે આઈશર ટેમ્પો ચાલક વિરુદ્ધ ગુનો નોંધી આગળની તાપસ હાથ ધરી હતી.