તાપી જિલ્લા આયોજન મંડળની બેઠક આગામી તા.૩૦-૦૭-૨૦૨૧ના રોજ સવારે ૧૧.૦૦ કલાકે પ્રભારી અને રાજ્ય નર્મદા, શહેરી ગૃહ નિર્માણ મંત્રી યોગેશભાઇ પટેલની અધ્યક્ષતામાં કલેક્ટર કચેરીના સભાખંડમાં યોજાશે. જેમાં તમામ મામલતદાર કચેરીના અધિકારીઓ વીડિયો કોન્ફરન્સના માધ્યમથી જોડાશે.

આ બેઠકમાં ગત બેઠકમાં થયેલી કાર્યવાહીની નોંધ તથા વર્ષ ૨૦૨૧-૨૨ વિવેકાધીન જોગવાઇ તાલુકાકક્ષા પ્રોત્સાહક જોગવાઈ, ભૌગોલિક રીતે ખાસ પછાત વિસ્તાર હેઠળની નવી દરખાસ્તો મંજુર કરવા, તાલુકાવાર અને નગરપાલિકાવારની યાદી અંગે ચર્ચા, વિકેન્દ્રીત જિલ્લા આયોજન કાર્યક્રમના મંજુર થયેલ કામોમાં થયેલ ફેરફારોને બહાલી આપવા, સામાજિક અને શૈક્ષણિક રીતે પછાત વર્ગ (બક્ષીપંચ) માટેની ખાસ પ્લાન યોજનાના કામો મંજુર કરવા તથા જુન-૨૦૨૧ સુધી થયેલ કામોની સમીક્ષા કરવામાં આવશે.