ઉચ્છલ તાલુકાના માણેકપુર ગામમાં વરલી મટકાનો જુગાર રમાડતા એક ઈસમને ઝડપી પાડી પોલીસે કાયદેસરની કાર્યવાહી હાથ ધરી હતી.

મળતી માહિતી મુજબ, ઉચ્છલ પોલીસ સ્ટાફના માણસો ખાનગી વાહનમાં બેસી શનિવારે બપોરે પ્રોહી. જુગાર અંગેની રઈડમાં નીકળેલ હતા. તે દરમિયાન મળેલ બાતમીના આધારે, માણેકપુર ગામના પટેલ ફળિયામાં ચાલતા વરલી મટકા જુગારના અડ્ડા પર દરોડા પાડવામાં આવ્યા હતા. તે સમય દરમિયાન સ્થળ પરથી જેરમાભાઈ દેવજીભાઈ વળવી જે મુંબઈથી નીકળતા વરલી મટકાના આંક પર હારજીતનો જુગાર રમાડતા ઝડપાઈ ગયા હતા. પકડાયેલ ઈસમ પાસેથી પોલીસે જુગારના સાધનો સહિત રોકડ રૂપિયાનો મુદ્દામાલ જપ્ત કરી જેરમા વળવી વિરુધ્ધ ઉચ્છલ પોલીસ મથકે ગુનો નોંધી કાયદેસરની કાર્યવાહી હાથ ધરી હતી. (મનિષા સુર્યવંશી દ્વારા વ્યારા)