કુકરમુંડા ખાતે જનજાગૃતિ રથને લીલી ઝંડી આપતા મામલતદાર તથા તાલુકા વિકાસ અધિકારીએ જણાવ્યું હતું કે, કોરોના સંક્રમણ ફેલાતું અટકાવવા માટે વેક્સીનેશન અંગેની જાગૃતિ આવે તે જરૂરી છે. સરકારના અનેક પ્રયાસો થઈ રહ્યા છે તથા જિલ્લા કલેકટર અને વિકાસ અધિકારીના માર્ગદર્શન હેઠળ  કુકરમુંડા તાલુકાના ગ્રામ્ય વિસ્તારોમાં લોકો વેક્સીન વિશે સાચી સમજ મેળવે તે માટે જાગૃતિ લાવવાનું કાર્ય હાથ ધર્યું છે. કોરોના વેક્સીનેશન જનજાગૃતિ રથ ગામે-ગામ જઈ પ્રચાર પ્રસાર કરશે અને સાથો સાથ લોકોની જરૂરિયાત મુજબ પ્રાથમિક સારવાર માટેની દવાઓ પૂરી પાડવામાં આવશે અને રેપિડ ટેસ્ટ પણ કરવામાં આવશે.