ઉચ્છલ તાલુકાના જામલી ગામમાં વરલી મટકાનો જુગાર રમાડતા એક ઈસમને ઝડપી પાડી પોલીસે કાયદેસરની કાર્યવાહી હાથ ધરી હતી.

ઉચ્છલ પોલીસ સ્ટાફના માણસો ખાનગી વાહનમાં બેસી રવિવારે બપોરે પ્રોહી. જુગાર અંગેની રેઈડમાં નીકળેલ હતા. તે દરમિયાન મળેલ ખાનગી બાતમીના આધારે, જામલી ગામના, નવી જામલી ફળિયામાં ચાલતા વરલી મટકા જુગારના અડ્ડા પર દરોડા પાડવામાં આવ્યા હતા. તે સમય દરમિયાન સ્થળ પરથી દેવરામભાઈ માલજીભાઈ વસાવા જે મુંબઈથી નીકળતા વરલી મટકાના આંક પર હારજીતનો જુગાર રમાડતા પોલીસ રેઈડમાં ઝડપાઈ ગયો હતો. પકડાયેલ ઈસમ પાસેથી પોલીસે જુગારના સાધનો સહિત રોકડ રૂપિયા 1020/-નો મુદ્દામાલ જપ્ત કરી દેવરામ વસાવા વિરુધ્ધ ઉચ્છલ પોલીસ મથકે ગુનો નોંધી કાયદેસરની કાર્યવાહી ધરવામાં આવી હતી. (મનિષા સુર્યવંશી દ્વારા વ્યારા)