સોનગઢના બોરદા વિસ્તારના એક ગામની શાળાના આચાર્યએ ધોરણ-૫માં ભણતી સગીર વિદ્યાર્થિની સાથે શાળામાં શારીરિક અડપલાં કરતા આચાર્ય વિરુદ્ધ સોનગઢ પોલીસે ગુનો નોંધાયો છે.

મળતી માહિતી મુજબ સોનગઢ તાલુકાનાં અંતરિયાળ વિસ્તારમાં આવેલ બોરદા ગામની એક શાળાના આચાર્ય નરપતભાઈ વસાવા ગત તા.24/09/2021ના રોજ ધોરણ પાંચમાં ભણતી એક વિદ્યાર્થીને સાફસફાઈ કરવા માટે એકાંત સ્થળે લઈ ગયો હતો. ત્યાં સવારે 10.00 વાગ્યાના અરસામાં આચાર્યએ એકલતાનો લાભ ઉઠાવી સગીરાના છાતીના ભાગે તથા શરીર પર હાથ ફેરવી શારીરિક અડપલા કર્યા હતા. તેથી હેબતાઈ ગયેલી વિદ્યાર્થિનીએ પોતાના માતા-પિતાને આચાર્યએ કરેલી હરકતની જાણ કરતા સમગ્ર મામલો પોલીસ મથકે પહોંચ્યો હતો. વિદ્યાર્થિની સગીર હોવાનું જાણતા હોવા છતાં તેની સાથે શારીરિક અડપલા કરનાર શાળાના આચાર્ય નરપત વસાવા રહે.માંડવીપાણી તા.સોનગઢ વિરુદ્ધ આઈપીસીની કલમ ૩૫૪ મુજબ ગુનો નોંધી વધુ તપાસ હાથ ધરી હતી.