વડોદરા પીસીબી પોલીસને માહિતી મળી હતી કે, આજવા રોડ પર ફોજી નગરમાં આવવરૂ મકાનમાં આરોપી નિતેશ રાજપૂત તથા અક્ષય પરમાર વિદેશી દારૂનો જથ્થો ઉતારી વેચાણ કરે છે. આરોપી રાકેશ કનોજીયા મોપેડ પર દારૂ લઈને તેને આપવા માટે આવ્યો છે. જેથી પી.આઇ.ની સૂચના મુજબ સ્ટાફે ઉપરોક્ત સ્થળે તપાસ કરતા રાકેશ રામદેવભાઈ કનોજીયા (રહે.પાણીગેટ, વડોદરા) મળી આવ્યો હતો. જોકે પોલીસે તેની પાસેથી વિદેશી દારૂની બોટલ નંગ 167 કિંમત રૂપિયા 23,900/-ની કબ્જે કરી હતી. જ્યારે આરોપીઓ સંજય રાઠવા તથા અક્ષય પરમાર તથા મિતેશ રાજપુતને વોન્ટેડ જાહેર કર્યા હતા. પોલીસે દારૂ અને વાહનો મળી કુલ 99,200 રૂપિયાનો મુદ્દામાલ કબજે કર્યો હતો.