સુરત જિલ્લાના પલસાણા તાલુકાનાં જોળવા ગામમાં રહેતી યુવતી પાંચમા માળેથી કૂદી પડતાં તેને માથામાં તેમજ મોઢાના ભાગે ગંભીર ઈજા પહોંચતા તેનું સારવાર દરમિયાન મોત નીપજયું હતું.

સુત્રો પાસેથી મળતી માહિતી અનુસાર, પલસાણા તાલુકાનાં જોળવા ગામમાં આવેલ આરાધના ગ્રીનલેન્ડ કૃષ્ણમ રેસિડન્સીમાં રહેતી, 19 વર્ષીય ચિતલબેન મનુભાઇ પવાર પોતાના ઘરે પાંચમા માળેથી  કોઈ અગમ્ય કારણસર નીચે કુદી પડતા તેને મોઢાના તથા માથાના ભાગે ગંભીર ઈજા પહોંચતા તેનો ભાઈ સારવાર માટે નવી સિવીલ હોસ્પિટલ સુરત ખાતે લઈ ગયો હતો. જ્યાં તેનું સારવાર દરમ્યાન મોત નીપજયું હતું. આ બનાવ અંગે પલસાણા પોલીસે અકસ્માત મોતનો ગુનો નોંધી આગળની કાર્યવાહી હાથ ધરી હતી.