સુરત જીલ્લાના માંગરોળ તાલુકાનાં નાની નરોલી ખાતે જીઆઇપીસીએલ કંપનીના ફ્રેજ-1 કોમ્પેશન હાઉસના બહારના ભાગે આવેલ યુનીટ-2 ડ્ર્રરટી ઓઈલ પંપ રૂમની છત ઉપર કામ કરી રહેલ યુવક નીચે પટકાતાં મોત નીપજયું હતું.

 

 

 

 

સુત્રો પાસેથી મળતી માહિતી મુજબ, માંગરોળ તાલુકાનાં નાની નરોલી જીઆઇપીસીએલ કોલોનીમાં રહેતો 21 વર્ષીય યુવક અખ્તર ઇસ્માઇલ શેખ જે નાની નરોલી જીઆઇપીસીએલ કંપનીના ફ્રેજ-1 કોમ્પેશન હાઉસના બહારના ભાગે આવેલ યુનીટ-2 ડ્ર્રરટી ઓઈલ પંપ રૂમની છત ઉપર કામ કરી રહ્યા હતા.

 

 

 

 

તે સમયે અખ્તર શેખ આકસ્મિક રીતે નીચે જમીન ઉપર પડી જતા તેને માથાના તેમજ શરીરના ભાગે ગંભીર ઇજા પહોંચતા તેને સારવાર માટે હોસ્પિટલમાં ખસેડવામાં આવ્યો હતો જ્યાં તેનું મોત નીપજયું હતું. આ બનાવ અંગે માંગરોળ પોલીસે અકસ્માત મોતનો ગુનો નોંધી આગળની કાર્યવાહી હાથ ધરી હતી.