મહુવા તાલુકામાં એલસીબીની ટીમ પેટ્રોલીંગમાં હતી તે સમય દરમિયાન મહુવા અનાવલ રોડ પર કરચેલીયા ગામ પાસેથી આવતો એક ટેમ્પો નંબર જીજે/21/ડબ્લ્યુ/4552ને આવતા જોઈ ઉભો રાખવા જણાવ્યું હતું. પરંતુ ટેમ્પો ચાલક ટેમ્પો લઈ ભાગવાનો પ્રયાસ કરતા એલસીબીની ટીમે પીછો કરતા ટેમ્પો ચાલક ટેમ્પોને નળધરા ગામમાં આવેલા ખેતરમાં ઉમારી ટેમ્પો છોડી ભાગી ગયો હતો.

ત્યારબાદ એલસીબીની ટીમ દ્વારા ટેમ્પોમાં તપાસ કરાતા ચોરખાનું મળી આવ્યું હતું જેમાં ભારતીય બનાવટની અલગ-અલગ બ્રાન્ડની વિદેશી દારૂની 576 બોટલ મળી આવી હતી જેની કીંમત રૂપિયા 55,200/- તથા ટેમ્પો મળી કુલ રૂપિયા 3,55,200/-નો મુદ્દામાલ કબ્જે કરી ટેમ્પો ચાલકને વોન્ડેટ જાહેર કરી આગળની કાર્યવાહી હાથ ધરી હતી.