ઉધના હરિનગરમાં રહેતા સંચા ખાતાના કારીગરના મકાનમાં રાત્રે છરા સાથે ઘસી આવેલા બે અજાણ્યાઍ કારીગરના ગળા ઉપર છરો મુકી તેના મિત્રને મારમારી રોકડા ૭૦૦ અને મોબાઈલ મળી કુલ રૂપીયા ૧૧,૭૦૦ના મતાની લુંટ ચલાવી નાસી ગયા હતા.

ઉધના પોલીસના જણાવ્યા મુજબ હરિનગર નં-૨ અમ્રુતનગર સાંઈકુપા ઍપાર્ટમેન્ટમાં રહેતા આદિત્ય નારાયણ પાલ(ઉ.વ.૨૧) સંચા ખાતામાં કામ કરે છે. આદિત્યના ઘરમાં બે અજાણ્યાઓ છરા સાથે ધસી આવ્યા હતા. લૂંટારૂઓઍ આદિત્યના ગળા ઉપર છરો મુકી તેના મિત્રને ડરાવી ધમકાવી મારમાર્યો હતો અને આદિત્યનો મોબાઈલ અને રોકડા ૭૦૦ મળી કુલ રૂપીયા ૧૧,૭૦૦ લૂંટી નાસી ગયા હતા. આ ઘટના અંગે પોલીસે આદિત્ય પાલની ફરિયાદ લઈ આગળની કાર્યવાહી  હાથ ધરી છે.