સોનગઢ તાલુકાના મોટી ખેરવાણ ગામના ધધેડી ફળીયામાં રહેતા રાજેશભાઈ હીરાલાલભાઈ ગામીત (ઉ.વ.45) નાઓઆજરોજ સમય આશરે 4 કલાકના અરસામાં પોતાની ટીવીએસ વિકટર મોટર સાયકલ નંબર જીજે/19/એફ/9893 લઈને દુમદા ફાટકની આગળ જતા દુમદા ગામના ટાંકલી ફળીયામાં જતા ત્રણ રસ્તા પાસેથી પસાર થઇ રહ્યા હતા.

તે દરમિયાન એક મોટર સાયકલ નંબર જીજે/26/ક્યુ/3458 ના ચાલકે પુર ઝડપે મોટર સાયકલ હંકારી લાવી રાજેશભાઈની મોટર સાયકલ ને જોરથી ટક્કર મારી હતી. જેના કારણે રાજેશભાઈને માથાના ભાગે ગંભીર ઈજા થતા સ્થળ પર જ મોત નીપજ્યું હતું. જોકે ટક્કર મારનાર બાઈક ચાલકને સામાન્ય ઈજા પહોચી હતી.

બનાવ અંગે રાહુલભાઈ રાજેશભાઈ ગામીત રહે, મોટી ખેરવાણ ગામ,ધધેડી ફળીયા તા.સોનગઢ નાઓની ફરિયાદના આધારે બાઈક નંબર જીજે/26/ક્યુ/3458 ના ચાલકે વિરુધ્ધ સોનગઢ પોલીસ મથકે ગુનો દાખલ કરી નિયમોનુસાર ની કાર્યવાહી હાથ ધરવામાં આવી છે.