સોનગઢ પોલીસ સ્ટાફના માણસોએ બાઈક લઇ જવાતો દેશીદારૂની બાટલીઓ ઝડપી પાડી ભાગી જનાર આરોપી વિરુદ્ધ ગુનો દાખલ કરી વધુ તપાસ હાથ ધરી છે.

મળતી માહિતી અનુસાર સોનગઢ પોલીસ સ્ટેશનના સ્ટાફે આજરોજ સોનગઢ તાલુકાના રામપુરા કોઠાર ગામે આવેલ ડેરી નજીક ત્રણ રસ્તા પાસે, ગાયસવારથી ચાપાવાડી તરફ આવતા રસ્તા પરથી એક પેશન પ્રો મોટર સાયકલ નંબર જીજે/05/એબી/3783 પર લઇ જવાતો દેશીદારૂ સુગંધી સંતરા પ્લાસ્ટિકની બાટલીઓ નંગ 45 જેની કિંમત રૂપિયા 2,250/-નો દેશીદારૂ ઝડપી પાડ્યો હતો, જોકે આ બનાવમાં બાઈક ચાલક આરોપી ફરાર થઇ જતા તેની વિરુદ્ધ હેડકોન્સ્ટેબલ પ્રવીણભાઈ પટેલની ફરિયાદના આધારે સોનગઢ પોલીસ મથકે ગુનો દાખલ કરી આગળની વધુ તપાસ હેડકોન્સ્ટેબલ દશરથભાઈ ભૂપતભાઈ કરી રહ્યા છે.