નવસારી જિલ્લામાં તેમજ ઉપરવાસમાં પડેલા ધોધમાર વરસાદથી જનજીવનને અસર પહોંચી છે. જિલ્લાના શહેર તેમજ ગ્રામ્ય વિસ્તારોમાં જયાં નજર કરો ત્યાં પાણી- પાણી થી તરબોળ થઇ ગયું છે. નવસારી જિલ્લાના જલાલપોર તાલુકાના મેંધર ગામ પણ બાકાત રહયું નથી. મેંધર ગામમાં ઝીંગા તળાવમાં કામ કરતાં ૫૭ જેટલા મજૂરો ફસાયા હતાં. જેમને એસડીઆરએફ ટીમ દ્વારા રેસ્કયુ કરી મેંધર ગામની પ્રાથિમક શાળા ખાતે ખસેડવામાં આવ્યાં હતાં.